AfriForum se Garsfontein-tak, wat Faerie Glen insluit, het Saterdag in samewerking met Forum Sekuriteit en Golan Tactical op versoek van Betsie Basson, wyksraadslid vir Wyk 45 in Pretoria, vragmotors vol vullis uit die Garsfontein-omgewing weggery. AfriForum het op 8 Augustus aangebied om die Tshwane Metro te help met vullisverwydering ná ’n voortslepende staking die Metro se dienslewering lamgelê het. In sommige gevalle was lede van die publiek se vullis vier weke laas verwyder. Dit was ’n tydelike oplossing, maar AfriForum wil graag met ander rolspelers saamwerk om volhoubare oplossings in plek te stel.
