AfriForum en Buffelsfontein Beesboerdery het die “ons sal self”-denkwyse toegepas toe hulle met die hulp van die kontrakteur Roadchem ’n sloot en slaggate in Menlopark en Brooklyn in Pretoria herstel het. Dewet Ungerer, AfriForum se koördineerder vir Groter Pretoria-Suid, het beklemtoon hoe baie vermag kan word waar ondernemings en ander organisasies hande vat om saam te werk. AfriForum se takke in Pretoria het ook die afgelope paar weke in verskeie woonbuurte gehelp om vullis te verwyder waar stakende munisipale werkers dienslewering ontwrig het.
