Agt jong leiers vanuit die Solidariteit Beweging se geledere het vandeesweek AfriForum Jeug se mentorskapprogram bygewoon. Hulle het teoretiese en praktiese opleiding ontvang in velde soos sosiale media, beplanning en projekbestuur. Hulle het ook saam met AfriForum se Centurion-tak ’n park skoongemaak en met hul herwinningsprojek gehelp. ’n Blink toekoms word vir dié jongmense in die vooruitsig gestel.
