AfriForum se buurtwagte het die afgelope naweek aan die nasionale massapatrollie deelgeneem. Vrywilligers en taklede in Centurion, Groter-Moot, Kempton Park en Benoni het Vrydagaand onder meer gebeurlikheidsplanne ingeoefen, sigbaarheidspatrollies gery en padstrepe oorgeverf. Die tweede Open Borders dokumentêr, waarin die swak grensbeheer tussen Suid-Afrika en Mosambiek onder die vergrootglas geplaas is, is ook Vrydag bekendgestel. Dit kan op AfriForumTV en YouTube gekyk word.
