Alhoewel Kroonstad as Kwêla se Dorp van die Jaar aangewys is, bly die uitdagings groot. AfriForum is onder meer by verskeie skoonmaakaksies in die dorp betrokke, het speelgoed aan die jeugsorgsentrum geskenk en ’n aftreeoord gehelp om ’n groentetuin aan te plant. Daar word ook druk op die Moqhaka Plaaslike Munisipaliteit uitgeoefen om dienslewering te verbeter.
