AfriForum het vandag met ’n funksionerende lisensiekaartdrukker voor die hoofkantoor van die Departement van Vervoer in Pretoria demonstreer dat die druk van bestuurslisensiekaarte nie ’n duur, uitgerekte proses hoef te wees nie. Dié departement het slegs een werkende drukker wat oor die afgelope paar jaar herhaaldelik in die buiteland herstel moes word. Dit het nou reeds tot ’n reuseagterstand in die druk van lisensiekaarte gelei. Dié agterstand staan tans op ongeveer 500 000 kaarte.
