AfriForum het die afgelope maand streeksberade in Kaapstad, Pretoria en Bloemfontein aangebied met die tema “Groeiende federalisme deur selfdoen”. Honderde takbestuurslede van regoor die land het die onderskeie berade in hul streek bygewoon. Takbestuurslede is ná afloop van die berade dit eens dat hulle opnuut besiel en slaggereed is om na hulle gemeenskappe terug te keer om federalisme op grondvlak deur te voer.
