AfriForum se privaatvervolgingseenheid het vandag vir Michele Bebbington, verloofde van wyle Terence Tegg, in die landdroshof in Tembisa bygestaan waar sy twee vermeende moordenaars verskyn het. Hulle staan tereg op aanklagte van moord, poging tot moord, gewapende roof en kwaadwillige saakbeskadiging. Tegg, ’n oud-Recce en werknemer van Personal Protection Services, is onder meer gestenig tydens ’n Clover-staking in Februarie.
