Genoeg is genoeg! AfriForum en die Mafube Besigheidsforum is môre (27 Januarie) in die Hooggeregshof in Bloemfontein om pres. Cyril Ramaphosa en ander provinsiale en nasionale departemente te dwing om dienslewering in Frankfort te herstel. Hulle eis dringende ingryping in die dorp wat verval en agteruitgaan en onder ernstige water-, paaie-, vullis- en rioolprobleme gebuk gaan. Die partye wil tot dit gebeur ook die administrasie en dienslewering oorneem. Die Mafube Plaaslike Munisipaliteit, wat bankrot en korrup is, bedien ook Villiers, Tweeling en Cornelia wat sowat 60 000 inwoners verteenwoordig.
