AfriForum se eerste sportdag in die Stellalandstreek is Saterdag op Vryburg gehou. Sportmanne en -vroue van alle vlakke en ouderdomme het aan die pretloop, bergfietsresies, krieket, rolbal en tennis deelgeneem. Gerhard Nieuwoudt, AfriForum se distrikkoördineerder vir Stellaland, het die dag as ’n groot sukses bestempel. “Ons almal weet daar is niks soos sport om ’n gemeenskap bymekaar te bring nie en met meer as 150 inskrywings was die dag ’n groot sukses,” sê hy. “Heerlike potjiekos is ook gemaak en die gemeenskap het lekker sosiaal verkeer.”
