a Capella Koor het bestaan uit mooi jong stemme van oor die hele Pretoria – lede wat in alle soorte beroepe gestaan het, maar met een gemeenskaplike doel – om lekker te sing!
Elise Rautenbach – stigter en koorleidster.
Ds. Nico Rautenbach – koorbestuurder.
Oorspronklik was a Capella natuurlik (soos die naam aandui) ´n koor sonder begeleiding, en veral op toerkonserte het hulle gou opgang gemaak. Tot manne soos Albie Venter en Dimpel Pretorius hierdie fyn afgeronde koor hoor sing het. Hierna is ´n dartelende ritme word bygevoeg en die koor sonder begeleiding word ´n koor met begeleiding. Die naam a Capella is egter so ´n lekkersê-naam dat die koor besluit het om dit te behou.
Hierdie liedjie is vanaf die albums “Kersfeesgroete” en “Een Wonderlike Aand”, waarvan die snitte identies is, en wat beide in 1972 uitgereik is.
