Welkom by hierdie kort reeks oor plaasveiligheid. In ons tyd het “plaasveiligheid” en “plaasaanvalle” asook “plaasmoorde” onafskeidbare onderwerpe geword.
Amper die helfte plaasaanvalle gebeur in die plaashuis, en 2 uit 3 kere gebruik aanvallers deure om in die huis te kom. Wanneer hulle deure gebruik, loop hulle meestal eenvoudig in deur ‘n oop deur. Soms breek hulle deure, soms kry hulle ‘n sleutel en soms maak iemand niksvermoedend die deur oop as hulle klop.
