Sowat ’n duisend mense het vandag die Solidariteit Beweging se Toekomsberaad bygewoon waar verskeie hoofde en leiers uit die beweging oor die toekoms van Afrikaners en die pad na 2030 gepraat het.

“Om ’n boom te plant is ’n geloofsdaad vir die toekoms. Wanneer jy ’n boom plant weet jy nie of jy self die skaduwee van die boom gaan geniet nie, maar jy het die vertroue dat jou kinders en kleinkinders dit wel gaan doen,” sê Kallie Kriel, uitvoerende hoof van AfriForum. Kyk dié video om […]

Dit is nie ’n noodfonds nie, maar ’n hoopfonds. Solidariteit Helpende Hand het dié Vrouemaand ’n fonds bekendgestel wat spesiaal gestig is om veral behoeftige meisies en vroue deur verskeie inisiatiewe by te staan en te bemagtig. “Vroue is die ruggraat van ons samelewing en die hart van die huis en almal weet welstand begin by die huis. Net soos die historiese Susanna Smit bereid was om kaalvoet oor die Drakensberge te trek, is dit nou die tyd om ons land se vroue by te staan en te bemagtig,” sê René Roux, adjunk- uitvoerende hoof van kommunikasie by Solidariteit Helpende Hand. Vir meer inligting besoek www.helpendehand.co.za en klik op FroueVonds.